اسلام آباد(مانیٹرنگ ڈیسک) غیر ملکیوں کے خلاف آپریشن کے دوران سعودی عرب نے سیکڑوں پاکستانیوں کو بے دخل کرتے ہوئے ڈی پورٹ کر دیا۔ وطن پہنچنے والوں نے ہزاروں پاکستانی تارکین وطن کی سعودی جیلوں میں قید ہونے کا انکشاف کر دیا۔ تفصیلات کے مطابق گزشتہ چند ماہ سے سعودی عرب میں غیر ملکیوں کے خلاف آپریشن کے

دوران 300پاکستانی شہریوں کو ڈی پورٹ کر دیا گیا ہے، ڈی پورٹ کئے گئے پاکستانی سعودی ائیرلائن کی پرواز 738کے ذریعے پاکستان پہنچے جہاں امیگریشن حکام نے ضروری پوچھ گچھ کے بعد کاغذی کارروائی مکمل ہونے پر انہیں گھروں کو جانے کی اجازت دیدی ہے۔سعودی عرب سے ڈی پورٹ ہوکر واپس آنے والوں نے انکشاف کیا ہے کہ اب بھی سعودی جیلوں میں ہزاروں پاکستانی قید ہیں جو حکومت پاکستان اور سعودی حکومت تک شنوائی کے منتظر ہیں۔

موضوعات:امیگریشن حکام ڈی پورٹ سیکڑوں پاکستانی