باجوڑ ایجنسی (آن لائن) باجوڑ ایجنسی میں پاکستانی پوسٹوں پر افغانستان سے دہشتگردوں کے حملے میں ایک سکیورٹی اہلکار زخمی ہو گیا جبکہ فورسز کی جوابی کارروائی نے دہشتگردوں کو واپس بھاگنے پر مجبور کر دیا۔ میڈیا رپورٹس کے مطابق وفاق کے زیر انتظام قبائلی علاقے (فاٹا) کی باجوڑ ایجنسی میں پاکستانی پوسٹوں پر افغانستان کے صوبے کنٹر سے مسلح دہشتگردوں نے حملہ کیا۔

گزشتہ3روز سے پاکستانی پوسٹوں پر دہشتگردوں کی جاری فائرنگ کے نتیجے میں 1سکیورٹی اہلکار زخمی ہو گیا جس کو فوری امداد کے لئے طبی مرکز صحت منتقل کیا گیا جبکہ فورسز کی جوابی فائرنگ کے نتیجے میں مسلح دہشتگرد میدان چھوڑ کر بھاگ گئے۔

موضوعات:افغانستان