اسلام آباد (مانیٹرنگ ڈیسک )اعتزاز احسن نے سوشل میڈیا کی ویب سایئٹ ٹویٹر پر اپنے پیغام میں کہا کہ میں نواز شریف کا نہیں بلکہ جہانگیر ترین کی شوگر ملز کیس کا وکیل ہوں میڈیا پہ جو بھی نیوز چل رہی ہیں وہ سراسر غلط ہیں۔یاد رہے کہ اعتزاز احسن کے حوالے سے خبریں گردش کر رہی تھیں کہ شوگر مل کیس میں وہ نواز شریف کے وکیل بن رہے ہیں۔

واضح رہے کہ اس سے پہلے خبر آئی کہ ایک طرف پاکستان پیپلز پارٹی کے اراکین قومی اسمبلی کی جانب سے پاکستان مسلم لیگ ن کو شدید تنقید کا نشانہ بنایا جارہا ہے لیکن اب پاکستان پیپلز پارٹی کے سینیٹر اور پاکستان سپریم کورٹ بار کے سابق صدر اعتزاز احسن نے شریف خاندان کے شوگر ملز کیس میں بطور وکیل مقدمہ لڑنے کا اعلان کر دیا ہے۔ سپریم کورٹ آف پاکستان کے حکم پر شریف خاندان کی تین شوگر ملز کے کیس کی سماعت کو لاہور ہائیکورٹ بھجوایا گیا تھا جس میں آج عدالت میں شریف خاندان کی جانب سے اعتزاز احسن نے اپنا وکالت نامہ جمع کروا دیا ہے جس میں وہ چیف جسٹس آف لاہور ہائیکورٹ سید منصور علی شاہ کی سربراہی میں بننے والے خصوصی بینچ کے روبرو پیش ہوکر اپنے دلائل پیش کریں گے۔ واضح رہے کہ سپریم کورٹ نے شریف خاندان کی تین شوگر ملز کو بند کرنے کا حکم دیتے ہوئے لاہور ہائیکورٹ کو حکمنامہ بھجوایا تھا کہ اس کیس کی روزانہ کی بنیاد پر سماعت کرتے ہوئے اس چیز کا فیصلہ کیا جائے کہ کیا شوگر ملز کی جنوبی پنجاب کے علاقے میں منتقلی قانون کے مطابق ہوئی تھی یا نہیں

موضوعات:اعتزاز احسن