اسلام آباد(ایسکلوژو رپورٹ) پاکستان تحریک انصاف کے چیرمین عمران خان کے قریبی ساتھی اور پاکستان تحریک انصاف کے سینئر میڈیا کو آرڈینیٹر جاوید بدر کا جلد تحریک انصاف کو خیر باد کہنے کافیصلہ کرلیاہے۔انتہائی معتبرذرائع کے مطابق جاوید بدر کا شمار پی ٹی آئی کے میڈیا سیل کی بنیاد رکھنے والوں میں ہوتا ہے۔انہو ںنے پاکستان تحریک انصاف کو میڈیا میں متعارف کرانے میں اپنی تمام تر توانیاںصرف کیں ،جس کی تعریف خود عمران خان سمیت پارٹی کے متعدد سینئررہنما کئی بارکرچکے ہیں اور ان کی گراں قدر خدمات سے اچھی طرح واقف اور معترف بھی ہیں ۔

ذرائع نے انکشاف کیا ہے کہ جاوید بدر اب اپنی قیادت کے رویے سے دلبرداشتہ ہونے کے بعد پارٹی چھوڑنے کا فیصلہ کر چکے ہیں‘ پی ٹی آئی کے میڈیا ایڈوائزر ہونے کی وجہ سے ان کے صحافیوں اور میڈیا ہاؤسز کے ساتھ گہرے اور دوستانہ تعلقات ہیں اور اب جماعت کو خیر آباد کہنے کی وجہ سے تحریک انصاف کو میڈیا میں نا قابل تلافی نقصان ہو گاجس کی وجہ سے پاکستان کی مقبول ترین جماعت کا میڈیا سیل بھی ایک متحرک اورقابل شخصیت سے محروم ہوجائے گا۔ جاوید بدر کے قریبی ذرائع نے انکشاف کیا ہے کہ ان کی جماعت میں میرٹ کی بجائے پسندو نا پسند کی بنیاد پر عہدے بانٹے جا رہے ہیں۔ جس کی وجہ سے وہ دلبرداشتہ ہو کر پارٹی کوچھوڑنے کا فیصلہ کر چکے ہیں۔

موضوعات:تحریک انصاف جاوید بدر عمران خان