خیبرایجنسی(آئی این پی )خیبر ایجنسی میں کالعدم تنظیم سے تعلق رکھنے والے چار گرفتاردہشت گرد وں کولنڈی کوتل میں میڈیا کے سامنے پیش کر نے کے بعدپاک افغان بارڈرطورخم پر افغان حکام کے حوالے کر دیا گیا،

چاروں دہشت گردافغان سیکورٹی فورسز کیساتھ جھڑپ میں زخمی ہو نے کے بعد غیر قانونی طور پر پاک افغان بارڈر کراس کر کے پاکستان میں داخل ہوگئے تھے تاہم خفیہ ادراوں کے بروقت ملنے پر انھیں گرفتار کیا گیا تھا ۔ تفصیلات کے مطابق منگل کو کالعدم تنظیم سے تعلق رکھنے والے افغانستان سے تعلق رکھنے والے چار دہشت کو لنڈی کوتل میں ایک پر ہجوم پریس کانفرنس میں میڈیا کے سامنے پیش کر دیا گیا۔اسسٹنٹ پولیٹکل ایجنٹ نیاز محمد نے پر یس کانفرنس میں بتایا کہ چاروں دہشت گردوں کو خیر سگالی کے جذبے کے تحت ڈی پورٹ کر کے افغان بارڈر طورخم پر افغان حکام کے حوالے کیا جارہا ہے تاکہ وہاں پر مروجہ قوانین کے مطابق ان پر مقدمہ چلایا جائے ۔ دہشت گرد جن میں جاوید خان ولد محمد عمرسکنہ ننگر ہار افغانستان،نعمت اللہ عرف حامداللہ ولد عین اللہ سکنہ ننگر ہار افغانستان ،المین ولد اللہ نظرسکنہ ننگر ہار افغانسان اورصفی اللہ عرف خان بابا ولد عین اللہ سکنہ ننگر ہارافغانستان شامل ہے،یہ دہشت گرد پاک افغان بارڈر طورخم سے ملحقہ علاقے سے افغانستان سیکورٹی فورسز کے ساتھ ایک جھڑپ میں زخمی ہو گئے تھے اور زخمی حالت میں پاک افغان بارڈر طورخم کراس کر کے پاکستان میں داخل ہو گئے تھے لیکن خفیہ اداروں کی بروقت اطلاع پر کاروائی کر تے ہو انھیں گرفتار کیا گیا تھا

موضوعات:پاکستان