اسلام آباد(مانیٹرنگ ڈیسک) تازہ ترین میڈیا رپورٹس کے مطابق قطری حاکم کے عملے کے 16 اراکین کو کوئٹہ میں گرفتار کر لیا گیا ہے۔ تفصیلات کے مطابق ضلع نوشکی میں لیویز فورس کی چیک پوسٹ کی خلاف ورزی کرنے پر امیر قطر کے عملے کے 16 اراکین کو گرفتار کر لیا گیا۔ سکیورٹی ذرائع نے بتایا کہ امیر قطر کا ایک وفد شکار اور پارٹی کے

انتظامات کے لیے مشکیل جا رہا تھا کہ انہوں نے راستے میں لیویز فورسز کی جانب سے چیکنگ کے لیے رُکنے کے اشارے کے باوجود چیک پوسٹ کی خلاف ورزی کی اور لیویز فورس کی جانب سے لگائی گئی رکاوٹیں توڑتے ہوئے قطری امیر کے وفد نے موقع سے فرار ہونے کی کوشش بھی کی۔ لیویز فورس نے وفد کا پیچھا کیا اور 4 گاڑیوں میں موجود 16 افراد کوحراست میں لے لیا۔ ضلع نوشکی کے سینئیر سکیورٹی افسر نے بتایا کہ گرفتار کیے گئے افراد میں 13 پاکستانی جبکہ 3 بنگلہ دیشی شہری تھے۔ انہوں نے مزید بتایا کہ زیر حراست افراد کی گاڑیوں کو بھی قبضے میں لے لیا گیا ہے۔ ذرائع نے بتایا کہ قطری امیر کی شکار کی غرض سے آئندہ چند دنوں میں پاکستان آمد متوقع ہے۔

موضوعات:قطری امیر گرفتاری