ڈیرہ غازی خان (مانیٹرنگ ڈیسک) ڈی جی خان میں سر عام اسلامی قوانین اور تعزیرات پاکستان کا مذاق اڑا دیا گیا۔ تفصیل کے مطابق پاکستان کی ایک برادری نے اپنے بیٹے کی رسم حناکیلئے چھپوائے جانے والے دعوت ناموں میں غیر مہذب الفاظ استعمال کئے اور دعوت نامے تقسیم بھی کروا دیئے۔ دعوت ناموں میں شراب نوشی کی سر عام دعوت دی گئی ہے ۔
شراب نوشی کی سر عام دعوت پر اہل علاقہ میں شدید تشویش پائی جا رہی ہے۔نجی ٹی وی چینل کے مطابق پولیس نے مقدمہ درج کر لیا ہے لیکن تا حال کوئی گرفتاری عمل میں نہیں لائی جا سکی۔پاکستان ایک اسلامی ملک ہے جہاں پر شراب نوشی کی دعوت دینا ایک قانونی جرم ہے۔واضح رہے چند دن پہلے عدلیہ نے ملک بھر میں شراب خانے بند کرنے کا حکم دیاتھا۔

موضوعات:اسلام پاکستان شراب مہندی