کراچی(این این آئی)سابق مشیر پیڑولیم ڈاکٹر عاصم نے کراچی کے علاقے ناظم آباد میں واقع نجی اسپتال میں ا پنی والدہ کی عیادت کی۔سابق مشیر پیڑولیم کو حکومت سندھ کی جانب سے خصوصی اجازت پر جناح ہسپتال سے ناظم آباد میں واقع نجی ہسپتال پہنچایا گیا۔اسپتال میں ڈاکٹر عاصم کی والدہ ڈاکٹر اعجاز فاطمہ کو نمونیا اور پھیپھڑوں کے عارضے کے باعث اسپتال میں داخل کرایا گیا ہے۔

اس موقع پرمیڈیاسے گفتگو کرتے ہوئے ڈاکٹر عاصم حسین کا کہنا تھا کہ میرے خلاف کیسز کی نوعیت سیاسی ہے ، ان کی حیثیت بھینس چوری کے مقدمے کی سی ہے۔انہوں نے کہا کہ آصف زرداری کسی وجہ سے پاکستان نہیں آرہے ، وہ واپس آئیں گے تو ملک اور جمہوریت کے لیے بہت بہتر ہوگا۔

موضوعات:آصف زرداری ڈاکٹرعاصم