جیکب آباد (آن لائن) جمعیت علمائے اسلام(ف) کے مرکزی سیکرٹری اطلاعات حافظ حسین احمد نے کہا ہے کہ حکومت کے لیے’’ پانامہ لیکس‘‘ سے زیادہ ’’نیوز لیکس‘‘ خطرناک ہے، پرویز رشید کی قربانی سے دیگر قربانیوں کی راہ ہموار ہوئی ہے، تیر سے شیر کا شکار ممکن نہیں، شیر کے شکار کے لیے تیر کون چلائے گا بلاول یا زرداری یہ دیکھا جائے گا، بلاول کے 4مطالبات فیس سیونگ ہے،

لگتا ہے بلاول سے پہلے ان کے والد ’’زرداری‘‘ نہ شادی کرلیں، دھرنے کی کامیابی یا ناکامی نتائج کے حوالے سے دیکھی جائے گی۔ ڈسٹرکٹ پریس کلب جیکب آباد کے صحافیوں سے گفتگو کرتے ہوئے حافظ حسین احمد نے کہا کہ بلاول بھٹو زرداری کی شادی کے حوالے سے حافظ حسین احمد کا کہنا تھا کہ بلاول کو ابھی خوف ہے کہ ان کا والد ’’زرداری‘‘ ان سے پہلے شادی نہ کرلیں، بلاول بھٹو زرداری کو غریب خاندان سے شادی کرنی چائیے اگر وہ واقعی غریبوں کا ہاتھ تھامنے والا ہے۔

موضوعات:پانامہ لیکس نیوز لیکس‘