اسلام آباد(مانیٹرنگ ڈیسک)پاکستان تحریک انصاف کے مرکزی رہنما جہانگیر ترین اور چوہدری سرورلندن پہنچ گئےہیں۔ میڈیا سے بات کرتے ہوئے چوہدری سرور کا کہنا تھا کہ ان کی ڈاکٹر طا ہرالقادری سے کوئی ملاقات طے نہیںہے۔وہ توبلکہ مسئلہ کشمیرپر پاکستان کامؤقف اجاگرکرنےآئےہیں۔ جہانگیر ترین کہتےہیں وہ نجی دورے پر لندن آئے ہیں، کوئی سیاسی مصروفیت نہیں ہوگی۔ انہوں نےلگے ہاتھوں پیپلزپارٹی کوزرداری سےدوررہنےکا مشورہ بھی دےڈالا۔
دوسری جانب لندن میں عوامی تحریک کے سربراہ ڈاکٹر طاہر القادری سے عوامی مسلم لیگ کے سربراہ شیخ رشید احمد نے ملاقات کی جس میں ملکی صورتحال اور پی ٹی آئی کے دھرنے سے متعلق تفصیلی بات چیت کی گئی۔اتوار کو ایک نجی ٹی وی کے مطابق لندن میں عوامی تحریک کے سربراہ ڈاکٹر طاہر القادری سے عوامی مسلم لیگ کے سربراہ شیخ رشید احمد نے ملاقات کی ۔ذرائع کے مطابق دھرنے میں شرکت کے حوالے سے طاہرالقادری نے مثبت جواب نہیں دیا، طاہر القادری نے لندن میں موجود جہانگیر ترین سے ملنے کی خواہش بھی ظاہر نہیں کی تاہم شیخ رشید نے طاہر القادری کو مل بیٹھ کر معاملات حل کرنے کی پیشکش کی ، طاہر القادری نے پیشکش پر غور کے لئے وقت مانگ لیا۔

موضوعات:شیخ رشید