اسلام آباد (این این آئی)ترجمان دفترخارجہ نے اخباری اطلاعات کے جواب میں کہا ہے کہ اب تک کی موصولہ اطلاعات کے مطابق ایتھنز (یونان) سے 50 کلومیٹر کے فاصلے پر کلیویا میں فیکٹری میں گیس سے دم گھٹنے پر چار افراد جاں بحق ہوئے ہیں۔مقامی حکام کے مطابق ہلاک ہونے والوں میں سے

ایک کی شناخت پاکستانی کے طور پر ہوئی ہے،تین دیگر افراد کی شناخت کا عمل جاری ہے۔ایتھنز میں پاکستانی سفارتخانہ مقامی حکام سے رابطے میں ہے اور متاثرہ خاندانوں کو مطلوبہ معلومات اور معاونت فراہم کریگا اس ضمن میں 00306940070793 نمبر پر رابطہ کیا جاسکتا ہے۔

موضوعات:یونان