اسلام آباد (این این آئی)وفاقی کابینہ نے بھارت کیساتھ دو طرفہ تجارت معطل کرنے،مسئلہ کشمیر کو عالمی سطح پر اجاگر کرنے کی حکمت عملی تیار،فوری عملدرآمد کرنے،نیشنل فرٹیلائزر کے سی ای او کو عہدے سے ہٹانے،پاکستان کرکٹ بورڈ کے آئین2019 کی تشکیل نو کی سمری کی منظوری دیدی ہے جبکہ امپورٹ،ایکسپورٹ آرڈر میں ترمیم کا ایس آر او جاری کرنے کا اختیار ایف بی آر کو دیدیا گیا ہے۔

جمعہ کووفاقی کابینہ کا اجلاس وزیراعظم عمران خان کی زیرصدارت منعقد ہوا۔اجلاس میں کشمیر کی تازہ ترین صورتحال کا جائزہ لیا گیا، وزیراعظم نے کشمیر کے معاملے پر چیئرمین کشمیر کمیٹی فخر امام کی سربراہی میں ایک خصوصی کمیٹی قائم کردی۔اجلاس نے بھارت کیساتھ دو طرفہ تجارت معطل کرنے کی منظوری دیدی۔ کابینہ نے کابینہ نے فیڈرل انسٹیٹیوٹ آف حیدرآباد کیلئے قانون سازی،نیشنل فرٹیلائزر کے سی ای او کو عہدے سے،پاکستان کرکٹ بورڈ کے آئین 2019 کی تشکیل نو کی سمری کی منظوری دیدی ہے۔ کابینہ نے ایرا کے چیئرمین اور ڈپٹی چیئرمین کی تقرری،قومی پیداوار آرگنائزیشن کے بورڈ آف ڈائریکٹرز کی سمری کی بھی منظوری دیدی ہے۔ کابینہ کو بتایا گیا کہ پاکستان اور بھارت کی سالانہ دو طرفہ تجارت کا حجم 2ارب 12 کروڑ 40لاکھ ڈالر ہے،پاکستان کی درآمدات کا حجم 1ارب 80 کروڑ ڈالر ہے۔کابینہ کو بتایا گیا کہ پاکستان کی بھارت کیلئے برآمدات کا حجم 32 کروڑ 40لاکھ ڈالر ہے، کابینہ کواحساس پروگرام سے متعلق بھی بریفنگ دی گئی۔وفاقی کابینہ نے اپنے فیصلوں پر عملدرآمد کا جائزہ لیا اور ای سی سی کے فیصلوں کی توثیق کردی۔کابینہ کے ایجنڈا میں مفاد عامہ کیلئے مختلف پروگرامز شروع کرنے کے حوالے سے تجاویز پیش کی گئیں۔ کابینہ کو کراچی، لاہور، ملتان اور پشاور میں بڑی عمارتوں کی تعمیر کے حوالے سے سے شہری ہوا بازی نے تفصیلی بریفنگ دی۔کابینہ نے امپورٹ،ایکسپورٹ آرڈر میں ترمیم کا ایس آر او جاری کرنے کا اختیار ایف بی آر کو دیدیا۔

کابینہ نے ای ڈی پولی کلینک شاہد حنیف سے چارج واپس لیکر ان کی جگہ ڈاکٹر شعیب کو بطور ایگزیکٹو ڈائریکٹر چارج سونپ دیا ہے۔کابینہ اجلاس میں وزیراعظم نے وزراء کو مقبوضہ کشمیر میں بھارتی ظلم وستم کو عالمی سطح ہر اجاگر کرنے کی ہدایت کی۔ کابینہ نے مسئلہ کشمیر کو عالمی سطح پر اجاگر کرنے کی حکمت عملی تیار اور اس پر فوری عملدرآمد کرنے کی منظوری دیدی۔کابینہ نے وزارت ریلوے کی سمجھوتہ ایکسپریس اور بھارت کو ریل سروس بند کرنے کے فیصلے کی توثیق کی۔کابینہ اجلاس میں شیخ رشید احمد کے بھارت میں ریل سروس معطل کرنے کے دبنگ موقف کی تعریف کی گئی۔

موضوعات:وفاقی کابینہ