سپریم کورٹ نے کوئٹہ رجسٹری میں ویڈیو لنک کے ذریعے کیسز کی سماعت کا پہلا فیصلہ سنا دیا،مزید کن کن شہروں سے بیک وقت مقدمات سنے جائینگے؟ چیف جسٹس نے بڑا اعلان کردیا

  پیر‬‮ 15 جولائی‬‮ 2019  |  10:06

اسلام آباد(سی پی پی) سپریم کورٹ نےکوئٹہ رجسٹری میں  ویڈیو لنک کے ذریعے کیسز کی سماعت کا پہلا فیصلہ سنادیا۔حاجی علی رضا کو زخمی کرنے کے ملزم مشتاق حسین کی 2 سال قید کی سزا کالعدم کردی ۔دورانِ سماعت چیف جسٹس پاکستان نے کوئٹہ والوں کو سلام کہا اور کہا کہ آج تاریخی دن ہے، خواہش تھی ای کورٹ کا آغاز کوئٹہ سے ہوتا لیکن تکنیکی مسائل کی وجہ سے ای کورٹ کا آغاز کراچی رجسٹری سے کرنا پڑا۔جسٹس آصف سعید کھوسہکا کہنا تھا کہ چھٹیوں کے بعد ایک خصوصی بینچ صرف ویڈیو لنک سے مقدمات سنے گا، نادرا کے


شکر گزار ہیں جس نے بہت تعاون کیا، ای کورٹ کے ذریعے لوگوں کی پیسے اور وقت کی بچت ہوگی۔چیف جسٹس پاکستان نے مزید کہا کہ لاہور، اسلام آباد،کراچی اور کوئٹہ سے بیک وقت ویڈیو لنک کے ذریعے مقدمات سنیں گے۔سپریم کورٹ کوئٹہ رجسٹری میں ویڈیو لنک کے ذریعے کیسز کی سماعت جمعرات تک جاری رہیگی۔

موضوعات:

loading...