اسلام آباد(آن لائن) سابق وزیر خزانہ اسد عمر نے وزیراعظم عمران خان کی جانب سے وفاقی کابینہ میں شمولیت اور نئی وزارت کی پیشکش ٹھکرا تے ہوئے کہا ہے کہ رمضان المبارک میں وزارت کے حصول پر توجہ دینے کے بجائے اپنی عبادات پر توجہ دینا چا ہتا ہوں۔ضرروری نہیں کہ کابینہ میں رہ کر ملک کی خدمت کی جائے کابینہ سے باہر رہ کر بھی ملک کی خدمت کی جا سکتی ہے ۔وزیراعظم عمران خان سے ملاقات کے بعد میڈیا سے بات چیت کرتے ہوئے

ا نہوں نے کہ وزیر اعظم سے ہونے والی ملاقات میں سیاسی امور پر تبادلہ خیال کیا گیا۔ ایک سوال پر ان کا کہنا تھا کہ وزیراعظم کی جانب سے ان کیلئے وزارت کی پیشکش موجود ہے جو انہیں اس وقت کی گئی تھی جب انہوں نے وزیر خزانہ کے عہدے سے ہٹایا گیا تھا۔اسد عمر کا کہنا تھا کہ میرا وفاقی کابینہ میں شامل ہونے کا کوئی ارادہ نہیں ہے، رمضان کا مہینہ ہے جس میں وزارت کے حصول پر توجہ دینے کے بجائے اپنی عبادات پر توجہ دینا چاہتا ہوں۔

موضوعات:اسد عمر