اسلام آباد(مانیٹرنگ ڈیسک) سابق صدرآصف زرداری اورسابق وزیر اعظم نواز شریف کیسز ختم کروانے کیلئےپیسہ دینے پر راضی،معروف دفاعی و سیاسی تجزیہ کار میجر جنرل (ر) شعیب امجد کا دعویٰ ، نجی ٹی وی پروگرام میں گفتگو کرتے ہوئے انہوں نے کہا کہ مجھے ذرائع سے خبر موصول ہوئی ہے کہ آصف زرداری اور نواز شریف پیسہ دینے کیلئے راضی ہوگئے ہیں۔

اطلاعات یہی ہیں کہ دونوں پارٹیاں ریلیف کے حصول کیلئے پیسہ دے کر جان چھڑوانا چاہتی ہیں۔اس سلسلے میں برطانیہ میں معاملات طے پا رہے ہیں۔ تاہم ابھی یہ واضح نہیں ہے کہ دونوں پارٹیاں ریلیف کے حصول کیلئے کتنا پیسہ دیں گی،یاد رہے کہ سابق وفاقی وزیر اطلاعات فواد چوہدری نے بھی دونوں رہنمائوں کے سامنے پلی بارگین کا آپشن رکھا تھا۔

موضوعات:امجد شعیب