اسلام آباد (مانیٹرنگ ڈیسک)بھارتی وزیراعظم نریندر مودی نے پاکستان میں گھس کر مارنے کی دھمکی دے دی ۔ احمد باد میں انتخابی جلسے سے خطاب کرتے ہوئے انہوں نے کہا کہ اپوزیشن والے کہہ رہے ہیں یہ تو الیکشن والا کھیل ہے ، اپوزیشن یہ بتائے کہ جب ہم نے پہلے سرجیکل سٹرائیک کی تھی تب الیکشن کہاں تھے ؟ یہ میرا وعدہ ہے کہ ہم گھر میں گھس کر ماریں گے۔کوئی بھی ملک ایسی تکلیف دہ صورتحال میں نہیں رہ سکتا۔

انہوں نے کہا کہ بھارت میں بم دھماکے کر کے بے گناہ لوگوں کو مارا جا رہا ہے لیکن ووٹ بینک کی سیاست میں ڈوبے ہوئے لوگ قدم اٹھانے سے ڈرتے ہیں۔ نریندر مودی نے مزید کہا کہ مجھے سیاست اور کرسی کی پروا نہیں بلکہ مجھے اپنے ملک اور لوگوں کی فکر ہے۔اپوزیشن کے رہنما ایسے بیانات دے رہے ہیں جس پر پاکستان میں تالیاں بج رہی ہیں ، پاکستان کے اخبارات میں بھارتی اپوزیشن رہنمائوں کے بیانات ہیڈ لائنز کے طورپر چھپ رہے ہیں ۔

موضوعات:مودی