اسلام آباد (مانیٹرنگ ڈیسک)کراچی کے علاقے کورنگی میں گھر سے خاتون کی پھندا لگی لاش ملی ہے۔ پولیس کا کہنا ہے کہ ماں نےبیماربچے کے علاج کیلئے دوائی کے پیسے نہ ہونے پر پھندا لگا کر خودکشی کی۔ نجی ٹی وی  کے مطابق زمان ٹاؤن تھانے کی حدود پر کورنگی 100 کوارٹر مچھلی موڑ کے قریب گھر سےلڑکی کی لاش ملی جس کی شناخت 20سالہ عریشہ زوجہ ناظم کے نام سے ہوئی پولیس کے مطابق متوفیہ ایک بچے کی ماں ہے اور اسکا شوہر ناظم کسی فیکٹری میں کام کرتا ہے اسکا بچہ کافی دنوں سے بیمار تھا وہ فیکٹری سے

گھر پر آیا تو اسکا اپنی بیوی عریشہ سے بچے کی دوائی نہ لانے پر جھگڑا ہوگیا اور جھگڑے کے بعد متوفیہ عریشہ کا شوہر ناظم گھر سے باہر آیا تو عریشہ نے دوپٹہ کی مدد سے گلے میں پھندا ڈال کر خودکشی کرلی۔ پولیس کا کہناہے کہ متوفیہ کے شوہر کو حراست میں لے لیا ، جس نے پولیس کو بیان دیا ہے کہ اسکے پاس بچے کی دوائی دلانے کیلئے پیسے نہیں تھے اور اسکی بیوی عریشہ بچے کو دوائی دلانے کا کہہ رہی تھی جس پر ان کے درمیان جھگڑا ہوا تھا۔پولیس نے واقعے کی رپورٹ درج کر کے مختلف پہلوئوں سے تفتیش کا آغاز کردیا ہے ۔

موضوعات:پھانسی