چمن (مانیٹرنگ ڈیسک) بلوچستان کے شہر چمن میں پولیس سپیشل برانچ کے دفتر کے سا منے دھماکہ ہوا ہے اور اس دھماکے کے نتیجے میں ایک شخص جاں بحق جبکہ 14 افراد زخمی ہو گئے ہیں، ایک نجی ٹی وی چینل کے مطابق چمن کے علاقے مال روڈ پر سپیشل برانچ پولیس کے دفتر کے سامنے دھماکہ ہوا جس کے نتیجے میں ایک شخص جاں بحق

اور 14 افراد زخمی ہو گئے ہیں۔ دھماکے کی شدت سے اردگرد موجود گاڑیوں میں بھی آگ لگ گئی۔ سکیورٹی ذرائع کے مطابق یہ ریموٹ کنٹرول بم موٹر سائیکل میں نصب کیا گیا تھا۔ دھماکے کے فوری بعد آگ بجھانے کے لیے فائر بریگیڈ کی گاڑیاں اور امدادی ٹیمیں پہنچ گئیں، امدادی ٹیموں نے زخمیوں کو ہسپتال منتقل کرنا شروع کر دیا ہے۔

موضوعات:بم دھماکہ