کراچی(این این آئی)جناح انٹرنیشنل ایئرپورٹ پر پیپلز پارٹی کے رہنما نبیل گبول نے تلخ کلامی کے دوران شہری کو دھکا دے کر نیچے گرادیا اور انتہائی غیرمناسب زبان استعمال کی۔کراچی ائرپورٹ پر نبیل گبول اور لیاری کے بلوچ شہری کے درمیان کسی بات پر تلخ کلامی ہوگئی جس پر نبیل گبول آپے سے باہر ہوگئے۔ پی پی پی رہنما نے نہ صرف شہری کو دھکا کے کر نیچے گرادیا بلکہ اسے گالیاں اور سنگین نتائج کی دھمکیاں بھی دیں۔دونوں میں گالیوں کاتبادلہ ہوا۔

متاثرہ شخص ایئرپورٹ عملے کوبلاتارہا مگر کسی نے مدد نہیں کی ۔واقعے کی ویڈیو سوشل میڈیا پر وائرل ہوگئی جبکہ بدتہذیبی اور بداخلاقی کا مظاہرہ کرنے پر نبیل گبول کو صارفین کی جانب سے شدید تنقید کا نشانہ بنایا جارہا ہے۔ ایئر پورٹ عملہ اور سیکیورٹی اہلکار قریب کھڑے جھگڑا دیکھتے رہے اور کسی نے مداخلت کرنے کی زحمت نہ کی۔ پولیس کا کہنا ہے کہ کسی نے واقعے کا مقدمہ درج کرایا اور نہ ہی نبیل گبول یاکسی مسافر نے کارروائی کے لئے کوئی درخواست دی ہے۔

موضوعات:نبیل گبول