لاہور(مانیٹرنگ ڈیسک)پاکستان تحریک انصاف کے رکن مجلس عامہ مفتی سعید خان نے عمران خان کی جانب سے دربار بابا فرید گنج شکر پر بوسنے دینے پر اپنے ردعمل میں کہا ہے کہ عمران خان کا چوکھٹ پر سجدہ شرک اورگناہ کبیرہ ہے ، وہ محض اس لیے غلط فہمی میں مبتلا ہیں کہ آپ کو حکومت مل جائے گی لیکن خدا کو کیا منہ دکھائیں گے ؟، ہم اس سے بیزاری کا اظہار ا س لیے کرتے ہیں کہ اللہ ہم سے قیامت میں یہ نہ پوچھے کہ ہم ان کے حمایتی اور طرف دار تھے اور ووٹ ان کو دیا کرتے تھے ۔

میڈیا رپورٹس کے مطابق مفتی سعید نے کہا کہ عمران خان نے جو کچھ کیا ہے ، کوئی پوچھنے اور سننے والا نہیں کہ یہ سارے لیڈر کیا کرنے جارہے ہیں ، محض اس لیے غلط فہمی میں مبتلا ہیں کہ آپ کو حکومت مل جائے گی ، ہم نے مانا کہ آپ کو حکومت مل جائے گی ، ہم نے مانا کہ آپ نے پوری دنیا پر حکومت کر لی لیکن خدا کو بھی منہ دکھانا ہے ، امت مسلمہ میں کوئی ایک فرقہ اس بات کا قائل ہوا ہو کہ تم سجدہ جیسی ہیت بنا اور جا کر چوکھٹ کو چومو ، کون اس بات کا قائل ہے ؟ چار طبقات گنے جاتے ہیں اور چاروں کے علماسے پوچھو اور ہی برا کہیں گے ، یہ جہالت کا فعل ہے ، یہ فعل جائز نہیں ، ممکن ہے کہ خدا پوچھے کہ یہ کیا حرکت کی ، خدا نہیں بھی پوچھے اور ہمیں بھی پوچھے کہ تم کہاں تھے اور تم کیوں نہیں بولے ، یہ فعل شرک اور کبیرہ گنا ہ پر مشتمل ہے ، ہم اس سے بیزاری کا اظہار ا س لیے کرتے ہیں کہ اللہ ہم سے قیامت میں یہ نہ پوچھے کہ ہم ان کے حمایتی اور طرف دار تھے اور ووٹ ان کو دیا کرتے تھے ۔

موضوعات:مفتی سعید