روزے 29ہونگے یا 30؟ رویت ہلال ریسرچ کونسل نے اعلان کردیا

  منگل‬‮ 12 جون‬‮ 2018  |  12:16

اسلام آباد (مانیٹرنگ ڈیسک)شوال کا چاند جمعرات 14 جون 2018 ءکی شام دکھائی دینے کا امکان نہ ہونے کے برابر اس لئے رمضان المبارک  30 روزوں پر مشتمل ہوگا اور عیدالفطر 16 جون کو منائے جائیگی ۔ سیکرٹری جنرل رویت ہلال ریسرچ کونسل خالد اعجاز مفتی کی جانب سے  بیان جاری ،تفصیلات کے مطابق  سیکرٹری جنرل رویت ہلال ریسرچ کونسل خالد اعجاز مفتی نے  کہا ہے  کہ شوال کا چاند جمعرات 14 جون 2018 ءکی شام دکھائی دینے کا امکان تقریباً نہ ہونے کے برابر ہی ہے ۔رمضان المبارک کے 30 ایام مکمل کرنے کے بعد عیدالفطر 16 جون کو

ہوگی ۔بیان میں کہا گیا کہ نیا چاند اس وقت تک دکھائی نہیں دیتا جب تک کہ اس کی عمر غروبِ آفتاب کے وقت کم از کم 19گھنٹے سے زائد اور غروبِ شمس و غروبِ قمر کا درمیانی فرق کم از کم 40 منٹ سے زائد نہ ہو جائے ۔ نیا چاند 13 اور 14 جون کی درمیانی شب پاکستان کے معیاری وقت کے مطابق 12 بجکر 43 منٹ پر پیدا ہوگا ۔ نئے چاند کی عمر 14 جون 2018 ءکو غروبِ آفتاب کے وقت پاکستان کے کسی بھی شہر میں 19 گھنٹے سے زائد نہیں ہوگی نیز غروبِ آفتاب و غروبِ قمر کا درمیانی فرق پاکستان کے تمام شہروں میں 40 منٹ سے کم ہوگا لہٰذا رمضان المبارک کے 30 دِن پورے ہونے کے بعد عید الفطر ہفتہ 16 جون بروز ہفتہ کو منائی جائے گی ۔واضح  رہے کہ اس سے قبل محکمہ موسمیات نے بھی کہا تھا 29 رمضان المبارک کو شوال کا چاند نظر آنے کے امکانات کم ہیں۔ محکمہ موسمیات کی جانب سے شوال کے چاند کی عمر کے حوالے سے وزارت مذہبی امور کو بھی تفصیلات بھجوائی گئی تھیں۔

موضوعات:

آج کی سب سے زیادہ پڑھی جانے والی خبریں