اسلام آباد(مانیٹرنگ ڈیسک) لندن فلیٹس نوازشریف کے قبضے میں رہنے کے دستاویزات نہیں ملے، ایوان فیلڈ ریفرنس کی سماعت کے دوران واجد ضیا کا جرح کے دوران انکشاف۔ تفصیلات کے مطابق اسلام آباد کی احتساب عدالت میں جج محمد بشیر نے آج ایوان فیلڈ ریفرنس کی سماعت کی۔ سماعت کے دوران نواز شریف کے وکیل خواجہ حارث نے پانامہ جے آئی ٹی کے سربراہ واجد ضیا سے دسویں روذ بھی جرح کی۔ جرح کے دوران واجد ضیا نے انکشاف کیا کہ لندن فلیٹس

نوازشریف کے قبضے میں رہنے کے دستاویزات نہیں ملے،ان کا کہناتھا کہ ہم نے دستاویزات اکٹھے کرنے کی کوشش کی تھی۔نواز شریف کے وکیل خواجہ حارث نے واجد ضیا سے سوال کرتے ہوئے پوچھا کہ کہ آپ کے علم میں تھا کہ پانامہ جے آئی ٹی کے رکن بلال رسول میاں اظہر کے بھانجے ہیں ؟اور ان کی اہلیہ نے 2013میں ق لیگ کے ٹکٹ پر الیکشن لڑا؟جس پر جے آئی ٹی سربراہ واجد ضیا نے جواب دیتے ہوئے کہا کہ میں اس بارے میں یقین سے کچھ نہیں کہہ سکتا۔

موضوعات:احتساب عدالت ایوان فیلڈ ریفرنس خواجہ حارث نواز شریف واجد ضیا