اسلام آباد (مانیٹرنگ ڈیسک)معروف صحافی عارف نظامی نے  نجی ٹی وی  پروگرام میں بات کرتے ہوئے کہا کہ آئی ایم ایف کے معاملے پر وہی ہو گا جو پچھلی مرتبہ ہوا تھا۔عارف نظامی  2013ء کی بات کرتے ہوئے کہتے ہیں کہ نواز شریف الیکشن جیت چکے تھے اور چین کے صدر پاکستان آئے تھے۔ آصف زرداری نے چینی صدر کے اعزاز میں عشائیہ دیا تھا اور اس میں نواز شریف کو بھی بلایا ہوا تھا، اس عشائیے میں اسحاق ڈار مجھے ایک سائیڈ پر لے گئے

اور کہا کہ ہم حکومت میں آنے والے ہیں، آئی ایم ایف کے پاس جانے کا فیصلہ زرداری صاحب کر دیں تا کہ ہمیں نہ جانا پڑے ، آپ یہ ان کو کہہ دیں۔میں نے آصف زرداری سے کہا کہ آپ آئی ایم ایف میں جانے کا فیصلہ کر دیں اور میں صرف پیغام رساں ہوں آپ تک پیغام پہنچا رہا ہوں ، جس پر آصف علی زرداری نے کہا کہ آپ ان سے کہیں کہ مجھے لکھ کر درخواست کر دیں، یہ سنتے ہی اسحاق ڈار وہاں سے دوڑ لگا گئے اور پھر بعد میں خود آئی ایم ایف کے پاس چلے گئے۔

موضوعات:آئی ایم ایف اسحاق ڈار آصف زرداری عارف نطامی