پشاور (مانیٹرنگ ڈیسک)کے پی کے کی 11 نشستوں کے غیرحتمی نتائج آ چکے ہیں، خیبرپختونخواہ سے خواتین کی ایک نشست پرپی ٹی آئی کی مہر تاج روغانی، دوسری پر پیپلز پارٹی کی روبینہ خالد کامیاب رہیں۔ ٹیکنوکریٹ کی نشست پر تحریک انصاف کے اعظم سواتی اور ن لیگ کے حمایت یافتہ امیدوار دلاور خان کامیاب ہوئے۔ ٹیکنوکریٹ کی نشست پر پی ٹی آئی حمایت یافتہ مولانا سمیع الحق کو ناکامی کا سامنا کرنا پڑا۔ انھیں صرف 3 ووٹ ملے۔ جنرل نشستوں پر پی ٹی آئی کے فیصل جاوید،

محمد ایوب، فدا محمد خان، جے یوآئی ف کے طلحہٰ محمود، ن لیگ کے حمایت یافتہ آزاد امیدوار پیر صابرشاہ، جماعت اسلامی کے امیدوارمشاق اور پیپلزپارٹی کے بحرمند تنگی کامیاب ہوئے۔مولانا سمیع الحق جنہیں تحریک انصاف کی حمایت حاصل تھی وہ بھی کامیاب نہیں ہو سکے ہیں، مولانا سمیع الحق کو صرف تین ووٹ ملے، واضح رہے کہ مولانا سمیع الحق نے وزیراعلیٰ خیبر پختونخوا کے کہنے پر سینٹ انتخابات میں حصہ لیا لیکن انہیں صرف تین ووٹ ملے اور وہ کامیابی سے محروم رہے۔

موضوعات:مولانا سمیع الحق