زینب کے کیس میں کوئی پیش رفت نہیں ،احتجاج کے دوران پولیس نے جن لوگوں کو پکڑا تھا ان کے ساتھ کیا سلوک کیا جارہا ہے ؟زینب کے والد کے افسوسناک انکشافات

  اتوار‬‮ 14 جنوری‬‮ 2018  |  18:22

قصور (مانیٹرنگ ڈیسک) قصور میں زیادتی کے بعد قتل ہونے والی سات سالہ بچی ز ینب کے والد محمد امین نے کہا ہے ک زینب کے قتل میں ملوث اب تک کوئی ملزم نہیں پکڑا گیا ٗکیس میں پیش رفت نظر نہیں آرہی ہے۔میڈیا سے بات چیت کرتے ہوئے محمد امین نے کہا کہ پولیس کی طرف سے یقین دہانی کرائی جارہی ہے کہ ملزم جلد پکڑ لیں گے۔مظاہروں کے درمیان گرفتار ہونیوالے بچوں کی مائیں ہمارے پاس آرہی ہیں۔زینب کے والد نے کہاکہ پولیس نے جن لوگوں کو پکڑا تھا ان پر تشددکیا جارہا ہے ٗہمارا مطالبہ ہے کہ

پولیس گرفتار افراد کے مقدمات ختم کرکے انہیں رہا کرے ٗزینب قتل پراحتجاج پرامن تھامگرپولیس نے فائرنگ کرکے اشتعال پیدا کیا۔دریں اثناء سانحہ قصور کو چھ دن ہوگئے، قاتل ابھی تک نہ پکڑا جاسکا، ٗ شہر میں جگہ جگہ ’’زینب کو انصاف دو ‘‘کے بینرز آویزاں کر دیئے گئے، معاملے پر بنائی گئی جے آئی ٹی بھی شواہد اکٹھے کرنے میں مصروف ہے تاہم کوئی کامیابی نہ مل سکی۔ زینب کو انصاف دو، قصور شہر کے مختلف مقامات پر بینرز لگ لگے

موضوعات:

آج کی سب سے زیادہ پڑھی جانے والی خبریں