اسلام آباد (مانیٹرنگ  ڈیسک) چیئرمین تحریک انصاف عمران خان کی تیسری شادی کے حوالے سے ملک بھر میں چہ میگوئیاں جاری ہیں ، ریحام خان سے عمران خان کا نکاح پڑھوانے والے مفتی سعید نے بھی اس معاملے پر خاموشی اختیار کر رکھی ہے اور انہوں نے عمران خان کی شادی کی تردید یا تصدیق سے انکار کردیا ہے ۔سینئر صحافی عمر

چیمہ کے مطابق جب مفتی سعید سے رابطہ کیا گیا توانہوں نے خبر کی تصدیق کی نہ ہی تردید، وہ شادی کی تردیدکے حوالے سے  بھی تذبذب کا شکارنظرآئے۔عمر چیمہ کے مطابق انہوں نے عمران خان کی شادی کی حقیقت جاننے کیلئے جمعرات کی شب مفتی سعید سے رابطہ کیا تو انہوں نے معذرت کرتے ہوئے کہاکہ وہ اس معاملے پر کچھ نہیں کہیں گے۔واضح رہے عمران خان اور ریحام کی شادی کے موقع پر بھی مفتی سعید نے یہی جملہ دہرایاتھا۔مفتی سعید سے جمعہ کی صبح جب دوبارہ رابطہ کیاگیا تو انہوں نے اپنا وہی موقف دہرایامگر جب ان سے تین بار یہ پوچھا گیاکہ کیاوہ یکم جنوری کو لاہورمیں عمران خان کا نکاح پڑھانے کی تردیدکرنا چاہیں گے توانہوں نے اس کا کوئی جواب نہیں دیا۔واضح رہے کہ تحریک انصاف کے رہنما عون چوہدری اور نعیم الحق نے عمران خان کی تیسری شادی کی تردید کر دی ہے اور کہا ہے اس خبر میں کوئی حقیقت نہیں ہے۔

اس خبر کا حوالہ

موضوعات:عمران خان مفتی سعید