اسلام آباد (مانیٹرنگ ڈیسک) پاکستان تحریک انصاف کے چیئرمین عمران خان سے چینی کمیونسٹ پارٹی کے نمائندہ خصوصی کی سربراہی میں وفد نے ملاقات کی جس میں پاک چین تعلقات اور باہمی دلچسپی کے امور پر تفصیلی تبادلہ خیال کیا گیا ۔ اس موقع پر پاکستان میں نامزد چینی سفیر ،مرکزی سیکرٹری جنرل جہانگیر ترین ،چیئرمین کے مشیر برائے امور خارجہ

ڈاکٹر شہزاد وسیم ،پولیٹیکل سیکرٹری عون چوہدری بھی موجود تھے ۔ ملاقات کے دوران دونوں جماعتوں کے عمائدین نے باہمی روابط کو پائیدار اور مضبوط بنانے اتفاق کیا ۔ جبکہ عمران خان نے غربت میں نمایاں کمی کے حوالے سے چینی حکومت کی کوششوں کو سراہا ۔ چینی عمائدین نے چیئرمین تحریک انصاف کو دورہ چین کی دعوت دی جو انہوں نے قبول کر لی ۔

موضوعات:عمران خان