اسلام آباد(مانیٹرنگ ڈیسک)وفاقی دارالحکومت اسلام آباد میں تحریک لبیک کے دھرنے کی وجہ سے پیدا ہونے والی صورتحال کے باعث آرمی چیف جنرل قمر جاوید باجوہ متحدہ عرب امارات کا دورہ مختصر کر کے وطن واپس پہنچ گئے ہیں،وزیراعظم شاہد خاقان عباسی اور آرمی چیف کی اہم ملاقات آج ہو گی،جس میں فیض آباد دھرنے سے پیدا ہونے والی صورتحال پر تبادلہ خیال ہوگا،نجی ٹی وی

کے مطابق آرمی چیف جنرل قمر جاوید باجوہ متحدہ عرب امارات کا دورہ مختصر کر کے گزشتہ رات وطن پہنچے ،وہ آج وزیراعظم شاہد خاقان عباسی سے اہم ملاقات کریں گے جس میں اسلام آباد دھرنے سے ملک میں پیدا ہونے والی ہنگامی صورتحال پر بات چیت ہو گی۔یاد رہے کہ گزشتہ روز فیض آباد دھرنا کیخلاف آپریشن کے بعد ملک بھر میں ہنگامے پھوٹ پڑے تھے جس کی وجہ سے فوج کو بھی طلب  کر لیا گیا تھا۔

موضوعات:آرمی چیف