آئی جی پی اسلام آباد کاپولی کلینک ہسپتال کا دورہ ،بیمار پولیس اہلکاروں کی عیادت

  جمعرات‬‮ 14 ستمبر‬‮ 2017  |  16:30

اسلام آباد (این این آئی) آئی جی پی اسلام آباد محمد خالد خٹک نے پولی کلینک ہسپتال کا دورہ کیا اور بیمار پولیس اہلکاروں کی عیادت کرتے ہوئے کہا کہ اسلام آباد پولیس اپنے افسران و جوانوں کی ویلفیئر کیلئے کوئی کسر نہیں چھوڑے گی۔تفصیلا ت کے مطا بق گزشتہ روز انسپکٹر جنرل آف پولیس اسلام آباد محمد خالد خٹک نے گزشتہ روز پولی کلینک ہسپتال کا دورہ کیا اور مختلف امراض میں مبتلا تین افسرا ن و جوانوں انسپکٹردلاورحسین ،اے ایس آئی محمد اعجاز اور ہیڈ کنسٹیبل عابد حسین شاہ کی عیادت کی ۔آئی جی اسلام آباد نے بیمار

ملازمان کوپھولوں کے دستے پیش کئے ۔انہوں نے عیادت کے موقع پر گفتگو کرتے ہوئے کہا کہ یہ افسرا ن و جوان محکمہ پولیس کا اثاثہ ہیں جو اپنے خاندانوں اور بچوں کو اکیلا چھوڑ کر شہریوں کی جان و مال کے تحفظ کے لئے ہمہ وقت تیار رہتے ہیں اور اپنی جانوں کے نذرانے پیش کر رہے ہیں۔آئی جی اسلام آباد نے مزید کہا کہ ہم سب ایک خاندان کی طرح ہیں اور کوئی بھی آفیسر یا جوان اپنے آپ کو کبھی اکیلا محسوس نہیں کرے گا ۔انشاء اللہ اسلام آباد پولیس اپنے افسران و جوانوں کی ویلفئیر کے لئے اقدامات کر رہی ہے اور اس سلسلہ میں کوئی کسر نہیں چھوڑی جائے گی۔

موضوعات:

آج کی سب سے زیادہ پڑھی جانے والی خبریں