اسلام آباد (مانیٹرنگ ڈیسک) ریلی میں نواز شریف کے ساتھ سٹیج پر 6 افراد کا مبینہ قاتل بھی بیٹھا رہا، تفصیلات کے مطابق خاتون صحافی عائشہ حق کی جانب سے ٹوئٹر پر پیغام جاری کیا گیا ہے جس میں انکشاف کیا گیا ہے کہ نواز شریف کی ریلی میں 6 افراد کو قتل کرنے والا مجرم اور کالعدم تنظیم کا رہنما بھی شریک تھا، حلقہ این اے 107 سے رکن قومی اسمبلی منتخب ہونے والے عابد رضا پر 6 افراد

کے قتل کا مقدمہ درج ہے اور اس مقدمے کے تحت انہیں پھانسی کی سزا بھی سنائی جا چکی ہے۔ اس کے علاوہ پاکستان کی اعلیٰ عدالت سپریم کورٹ بھی ان کی سزا پر عملدرآمد کا حکم دے چکی ہے۔ ماضی میں عابد رضا کا تعلق کالعدم تنظیم سے بھی رہ چکا ہے۔ اس کے باوجود عابد رضا نے نواز شریف کی ریلی میں شرکت کی بلکہ وہ سابق وزیراعظم نواز شریف کے ساتھ گوجرانوالہ میں سٹیج پر بھی موجود تھے۔

موضوعات:عابد رضا