اسلام آباد (مانیٹرنگ ڈیسک) عمران خان بھی ملازم نکلے، سرٹیفکیٹ پیش، کس کی اور کتنے سال نوکری کرتے رہے، تفصیلات کے مطابق تحریک انصاف کے چیئرمین عمران خان نے اپنی ملازمت کا سرٹیفکیٹ جو انہیں سسکس کاؤنٹی کی طرف سے جاری کیاگیا ہے پیش کر دیا ہے۔ عمران خان نے اپنے سوشل میڈیا اکاؤنٹ پر ملازمت کا سرٹیفکیٹ جاری کردیا ہے۔ سسکس کاؤنٹی کے چیف ایگزیکٹو آفیسر راب انڈریو کی طرف سے دیے گئے لیٹر میں اس بات

کی تصدیق کی گئی ہے کہ عمران خان 1977ء سے 1988ء تک سسکس کاؤنٹی کے ملازم رہے، یہ لیٹر سپریم کورٹ کو دینے کے لیے سسکس کاؤنٹی کی طرف سے آیا ہے۔ لیٹر میں مزید کہا گیا ہے کہ سسکس کاؤنٹی کے پاس 25 سالہ پرانا ریکارڈ موجود نہیں ہے لیکن اس بات کی تصدیق کی گئی کہ عمران خان سسکس کاؤنٹی کی طرف سے باقاعدگی سے کرکٹ کھیلتے رہے ہیں اور انہیں جو تنخواہ دی گئی اس سے ٹیکسوں کی مد میں باقاعدگی سے کٹوتی ہوتی رہی۔

موضوعات:حیرت انگیز انکشاف