اسلام آباد(آئی این پی)وزیراعظم محمد نوازشریف اور فلسطین کے صدر محمودعباس نے فلسطینی سفارتخانے کی نئی عمارت کاافتتاح کردیا،دونوں رہنماؤں نے سفارتخانے پر فلسطینی پرچم لہرایا،پاکستان نے فلسطینی سفارتخانے کی عمارت تحفے میں دی ہے۔منگل کو وزیراعظم محمد نوازشریف اور فلسطین کے صدر محمود عباس نے فلسطینی سفارتخانے کی نئی عمارت کا افتتاح کیا،دونوں رہنماؤں نے

سفارتخانے پر فلسطینی پرچم لہرایا اور سفارتخانے کی تختی کی نقاب کشائی کی۔وزیراعظم محمد نوازشریف نے سفارتخانے میں مہمانوں کی کتاب میں تاثرات قلمبند کیے۔فلسطینی صدر محمود عباس اوروزیراعظم محمد نوازشریف نے اس موقع پر کیک بھی کاٹا۔اس سے پہلے جب وزیراعظم محمد نوازشریف سفارتخانے کے افتتاح کیلئے پہنچے تو فلسطین کے صدر محمود عباس نے ان کا استقبال کیا،پاکستان نے فلسطینی سفارتخانے کی عمارت تحفے میں دی ہے۔

موضوعات:صدر محمودعباس فلسطین محمد نوازشریف