نئی دہلی(این این آئی)بھارتی فوج کے ہاتھوں جعلی مقابلوں کی آڑ میں بے گناہ لوگوں کے قتل کا سلسلہ جاری ہے۔

بھارتی فوج کی جانب سے پونچھ میں دراندازی کی کوشش کو ناکام بنانے کا جھوٹا دعویٰ کیا گیا۔غیرملکی میڈیا کے مطابق بھارتی فوج نے دعویٰ کیا کہ پونچھ میں لائن آف کنٹرول کے قریب مبینہ مقابلہ ہوا۔مقابلے میں ڈرامائی طور پر بھارتی فوج کا ایک سپاہی زخمی ہوا۔بھارتی فوج نے کہا کہ تین دہشتگردوں کو گرفتار بھی کیا گیا ۔بھارتی فوج نے دعویٰ کیا کہ جعلی مقابلے میں مبینہ گرفتار دہشتگردوں سے اسلحہ اور گولہ بارود برآمد ہوا ہے۔گرفتار افراد کا تعلق مقبوضہ کشمیر کے گاو?ں کرمارہ ضلع پونچھ سے ہے تاہم اصل حقائق یہ ہیں کہ بھارتی خفیہ ایجنسیوں نے ہمیشہ کی طرح اس جعلی مقابلے کا ڈرامہ رچایا۔

موضوعات:بھارتی فوج