اسلام آباد(مانیٹرنگ ڈیسک) آج صبح امریکی ہوائی اڈوں پر حملوں کے بعد ایرانی سپریم لیڈر آیت اللہ خامنائی نے کہا ہے کہ امریکہ ہمیں نقصان پہنچا سکتا ہے مگر جواب میں اسے کئی گنا نقصان اٹھانا پڑے گا۔ سپریم لیڈرآیت اللہ خامنائی نے کہا ہے کہ آج صبح عراق میں امریکی ایئر بیس پر حملے کئے گئے تھے۔امریکا نے حملوں کا جواب دیا تو

بھر پور جوابی کارروائی کریں گے۔اس سے قبل بھی ایک بیان میں ایرانی سپریم لیڈر کا کہنا تھا کہ اگر امریکا الانبار اور اربیل میں ہونے والے امریکی ہوائی اڈوں پر میزائل حملوں کا جواب دیتا ہے تو ایران امریکہ کے اندر حملہ کر دے گا، ایران کی امریکہ کے اندر حملہ کرنے کی دھمکی کے بعد امریکی صدر ڈونلڈ ٹرمپ ممکنہ خطاب کی تیاری میں مصروف ہیں۔

موضوعات:ایرانی سپریم لیڈر