واشنگٹن(این این آئی) امریکی فوج کے ایک فضائی آپریشن میں ایران کی القدس ملیشیا کے سربراہ قاسم سلیمانی اور کئی دیگر سینئر عراقی کمانڈروں کی ہلاکت پر امریکی وزیر خارجہ نے کہا ہے کہ عراقی عوام قاسم سلیمانی کی ہلاکت پرخوشی سے جشن منا رہے ہیں۔عرب ٹی وی کے مطابق امریکی وزیرخارجہ مائیک پومپیو نے جمعہ کوٹویٹر پر ایک ٹویٹ

میں لکھا کہ قاسم سلیمانی سے نجات پانے پرعراقی عوام سڑکوں پر خوشی سے رقص کررہے ہیں اور یہ نعرے لگا رہے ہیں کہ اب کوئی سلیمانی نہیں۔مائیک پومپیو نے عراق میں سلیمانی کی ہلاکت کے بعد عوامی رد عمل کی ایک ایک ویڈیو پوسٹ کی جس میں عراقی شہری سلیمانی کے قتل کے بعد سڑکوں پر جشن مناتے دیکھے جا سکتے ہیں۔

موضوعات:مائیک پومپیو