واشنگٹن(این این آئی)امریکی وزیر خارجہ مائیک پومپیو نے باور کرایا ہے کہ امریکا ،،، ایران کے ساتھ کشیدگی کا پر امن حل چاہتا ہے تاہم گیند اب ایران کے کورٹ میں ہے۔ انہوں نے اپنے ملک کے اس موقف کو دہرایا کہ ایران جوہری ہتھیار ہر گز حاصل نہیں کر سکے گا۔غیرملکی خبررساں ادارے کے مطابق امریکی وزیر خارجہ اقوام متحدہ کی جنرل اسمبلی کے سالانہ اجلاس کے موقع پر ایک پریس کانفرنس میں گفتگو کر رہے تھے۔پومپیو کا کہنا

تھا کہ ہم امید کرتے ہیں کہ ان کے ساتھ مذاکرات کا موقع پا لیں گے اور ایک ایسا نتیجہ سامنے آئے گا جو ان کے اور امریکا کے لیے اچھا ہو۔انہوں نے کہاکہ امریکا نے چینی کمپنیوں اور ان کے ڈائریکٹرز پر پابندیاں عائد کیں کیوں کہ انہوں نے جانتے بوجھتے ایران سے تیل منتقل کیا جو ایران پر امریکی پابندی کی خلاف ورزی ہے۔ امریکی وزیر خارجہ نے واضح کیا کہ پابندیوں کا عائد کیا جانا صدر ڈونلڈ ٹرمپ کی دھمکی پر عمل درامد کا کی ابتدا ہے۔

موضوعات:امریکی وزیر خارجہ