سنگاپور( آن لائن) عالمی ریٹنگز ایجنسی موڈیز کا کہنا ہے کہ پاک بھارت کشمیر پر کشیدگی میں اضافہ معیشت کے لئے نقصان دہ ہوگا، مسئلہ کشمیر کا پرامن حل ہی پاکستان اور بھارت کیحق میں بہتر ہوگا۔تفصیلات کے مطابق عالمی ریٹنگز ایجنسی موڈیز نے کہا ہے کہ پاک بھارت کشمیرپرکشیدگی میں اضافہ معیشت کیلئے نقصان دہ ہوگا، دونوں ممالک میں معاشی اصلاحات جاری ہیں ٹیکس وصولیوں میں اضافے اورمالیاتی اہداف کیحصول کیلئے کام ہورہاہے،

تاہم کشیدگی معاشی اصلاحات سے توجہ ہٹانے کاباعث بنیگی۔عالمی ریٹنگز ایجنسی نے واضح کیا دونوں ممالک کومعاشی چیلنجزکاسامناہے، تنازعہ بڑھنے کی صورت میں دونوں ممالک کی معاشی شرح نمومیں کمی آسکتی ہے نیٹ کشیدگی میں اضافہ دونوں ممالک میں معاشی اہداف کے حصول میں ناکامی کا باعث بنیگا۔موڈیز کے مطابق کشمیر میں گزشتہ 3 سال میں بے روزگاری تاریخ کی بلندترین سطح پر ہے، کشیدگی سیپاکستان کیلئیبیرونی سرمائے کا حصول مشکل ہوسکتا ہے، کشیدگی میں اضافہ کاروباری اورصارفین کے اعتماد اوربیرونی سرمایہ کاری میں کمی کاباعث بنیگا۔عالمی ریٹنگز ایجنسی نے مزید کہا مسئلہ کشمیر کا پرامن حل ہی پاکستان اوربھارت کیحق میں بہتر ہوگا، پاکستان سے کشیدگی کا خاتمہ بھارتی معیشت کے حق میں ہوگا۔یاد رہے بھارت کی جانب سے مقبوضہ کشمیر کی خصوصی حیثیت ختم کرنے کے بعد دونوں ممالک میں کشیدگی برقرار ہے، پاکستان نے بھارت کے ساتھ سفارتی تعلقات محدود اور دو طرفہ تجارت بھی معطل کردی ہے۔واضح رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا گیا تھا، بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیر کی خصوصی حیثیت ختم ہوگئی تھی۔

موضوعات:عالمی ریٹنگ ایجنسی موڈیز