برطانوی شاہی جوڑے کے پروٹوکول کی زد میں آکر بزرگ خاتون شدید زخمی

  جمعرات‬‮ 20 جون‬‮ 2019  |  12:15

لندن(این این آئی) شہزادہ ولیم اور کیٹ میڈلٹن کے پروٹول کی زد میں آکر 83 سالہ بزرگ خاتون شدید زخمی ہوگئیں۔برطانوی میڈیا کے مطابق شہزادہ ولیم اپنی اہلیہ کیٹ میڈلٹن کے ہمراہ تقریب میں شرکت کیلئے لندن سے ونڈسر جا رہے تھے کہ ان کی حفاظت کے لیے موجود پروٹوکول میں کیمبرج پولیس ٹریفک کلیئر کروارہی تھی اور یہ حادثہ پیش آگیا جس کے نتیجے میں 83 سالہ بزرگ خاتون شدید زخمی ہوگئیں۔میڈیا رپورٹس کے مطابق 83 سالہ آئرین نامی بزرگ خاتون پولیس کی موٹرسائیکل سے ٹکر کے باعث شدید زخمی ہوئی۔جنہیں ہسپتال منتقل کیا گیا۔برطانوی میڈیا کے مطابق خاتون


کی حالت اب خطرے سے باہر بتائی جارہی ہے۔شاہی جوڑے نے اس حادثے پر شدید افسوس کا اظہار اور معذرت کرتے ہوئے کہا  کہ ان کے لیے ہمارے دل میں بہت ہمدردی ہے، جب تک بزرگ خاتون مکمل طور پر ٹھیک نہیں ہوجاتی ہم ان کی ہر ممکنہ مدد کے لیے تیار ہیں اور ان سے رابطے میں رہیں گے۔مقامی پولیس کے مطابق اس حادثے میں زخمی ہونے والی خاتون اور اور متاثرہ خاندان کے ساتھ ہمیں ہمدردی ہے تاہم فوری طور پر معاملے کی تحقیقات کی جارہی ہیں۔

موضوعات:

loading...