واشنگٹن(این این آئی )امریکا کی بدنام زمانہ بلیک واٹر کمپنی کے مالک اورسابق نیوی اہلکار نے عراق میں نئے نام سے کمپنی بنالی، ماضی میں بلیک واٹر نامی کمپنی پر عراقی دارالحکومت بغداد میں مقامی شہریوں کو قتل کرنے پر پابندی لگائی گئی تھی۔غیرملکی خبررساں ادارے کے مطابق رپورٹ کے مطابق فرنٹئیرسروسزگروپ نام سے کمپنی بصرہ میں قائم کی گئی ہے۔

امریکی ڈیموکریٹ جماعت کی نمائندہ جین کے مطابق عراقی حکومت کیلئے اس کمپنی کا ان کے ملک میں کام کرنا باعث تشویش ہونا چاہیے کیونکہ یہ کمپنی ماضی میں عراقی شہریوں کو قتل کرچکی ہے۔امریکی خبررساں ادارے کے مطابق کمپنی نے اپنے کام سے متعلق کھل کر کچھ واضح نہیں کیا ہے۔واضح رہے کہ اس کمپنی کا ایک اہلکار عراق میں عمر قید کی سزاکاٹ رہاہے۔

موضوعات:بلیک واٹر