خرطوم (این این آئی)سوڈان کے صدر عمر البشیر نے کہا ہے کہ ان سے استعفیٰ کا مطالبہ کرنے والے اقتدار میں آنے کے لئے 2020ء کو ہونے والے عام انتخابات کی تیاری کریں۔غیرملکی خبررساں ادارے کے مطابق ان خیالات کا اظہار انہوں نے ایک ٹی وی انٹرویو میں کیا۔عمر البشیر کا مزید کہنا تھا کہ ان کی حکومت عوامی مینڈیٹ

رکھتی ہے۔ وہ تمام سیاسی جماعتوں کے متفقہ ادارے کی نگرانی میں ہونے والے انتخابات میں کامیابی کے بعد اقتدار میں آئے ہیں۔انھوں نے کہا تمام سیاسی جماعتوں کا ملک کے حالیہ دستور پر اتفاق ہے۔ انھوں نے الزام عائد کیا کہ چند حلقے ملک میں ہونے والے احتجاج کو اپنے تباہ کن سیاسی ایجنڈے کے لئے بطور ڈھال استعمال کرنے کی کوشش میں ہیں۔

موضوعات:سوڈانی صدر