دبئی ٗ13سالہ بچہ سافٹ ویئر کمپنی کا مالک بن گیا،’ٹرینیٹ سولیشن‘ نامی کمپنی کا مالک کون ہے اور اس کا کہاں سے تعلق ہے؟ حیرت انگیز انکشافات

  اتوار‬‮ 16 دسمبر‬‮ 2018  |  21:07

دبئی (این این آئی)دبئی میں 13 سالہ بھارتی بچہ سافٹ ویئر کمپنی کا مالک بن گیا۔میڈیا رپورٹ کے مطابق ادیتھا راجیش نے 9 برس کی عمرمیں پہلی موبائل ایپلی کیشن تیار کی تھی۔انڈین ٹائمز میں شائع رپورٹ کے مطابق ادیتھا راجیش نے بوریت کو دور کرنے کے لیے ازراہ شغل پہلی موبائل ایپ بنائی۔بعدازاں انہوں نے اپنے کلائنٹس کے لیے باقاعدہ معاوضے پر کام شروع کیا اور ویب سائٹ سمیت ان کے لوگوز ڈیزائن کرنا شروع کردیئے۔اس حوالے سے بتایا گیا کہ ادیتھا راجیش نے 13 برس کی عمر میں ’ٹرینیٹ سولیشن‘ نامی کمپنی متعارف کرادی۔دبئی کے انگریزی اخبار کو


انٹرویو دیتے ہوئےانہوں نے بتایا کہ وہ بھارتی شہر کیرالہ میں پیدا ہوئے اور جب 5 برس کی عمر میں والدین کے ہمراہ دبئی منتقل ہو گئے۔ادیتھا راجیش نے بتایا کہ ان کے والد نے سب سے پہلے بی بی سی ٹائپنگ کی ویب سائٹ دیکھائی جہاں بچے ٹائینگ سیکھ سکتے ہیں۔انہوں نے کہاکہ ٹرینیٹ میں اس وقت کل 3 ملازمیں ہیں جو ان ہی کے اسکول میں پڑھنے والے دوست ہیں۔ادیتھا راجیش کا کہنا تھا کہ کمپنی کا باقاعدہ مالک بننے کے لیے انہیں 5 برس مزید انتظار کرنا ہو گا کیونکہ وہ ابھی بالغ کی کیٹیگری میں شامل نہیں ہوئے تاہم وہ 12 کلائنٹس کو بلامعاوضہ ویب سائٹ ڈیزائنگ اور کوڈنگ کی سروس فراہم کر چکے ہیں۔

loading...