’’کبھی کبھار ایماندار افراد بھی غلطیاں کر لیتے ہیں‘‘ عمران خان کے دوست مہاتیر محمد بھی ’’یوٹرن‘‘ کے دفاع میں سامنے آگئے،پوری دنیا دنگ

  پیر‬‮ 10 دسمبر‬‮ 2018  |  11:45
اسلام آباد(مانیٹرنگ ڈیسک)ملائیشیا کے وزیر اعظم  مہاتیر محمد بھی ’’یوٹرن‘‘ کے دفاع میں سامنے آ گئے ۔عالمی میڈیا کی رپورٹس کے  مطابق مہاتیر محمد نے صدارتی کونسل کے اجلاس کے موقع پر خطاب کرتے ہوئے کہا کہ سیاسی رہنماﺅں کی جانب سے اپنی سابقہ پالیسیوں سے یوٹرن لے لینا درست ہے کیونکہ کبھی کبھار ایماندار افراد بھی غلطیاں کرلیتے ہیں، مہاتیر محمد کی حکومت کو اپنی حکومتی پالیسیز میں کئی یوٹرن لینا پڑے ہیں جس پر انہیں شدید تنقیدکا سامنا ہے۔انہوں نے کہا کہ کبھی کبھار لوگ غلطی کرجاتے ہیں اور جب اس کا ادراک ہوجائے تو پھر عقلمندی اسی میں ہے کہ اس سے پیچھے ہٹ جایا جائے۔ ان کا کہنا تھا کہ بسا اوقات ہم غلط سمت میں چلے جاتے ہیں، ضرورت پڑنے پر ہم واپس پلٹتے ہیں، ہم مکمل لوگ نہیں ہیں۔ اگرچہ ہم میں سے بیشتر لوگ ایماندار ہیں لیکن ان سے بھی غلطیاں ہوجاتی ہیں۔واضح رہے کہ وزیر اعظم پاکستان عمران خان کو  یوٹرن لینے پر آج کل شدید تنقید کا سامنا ہے ۔

موضوعات:

loading...