ریاض(نیوز ڈیسک)سعودی ولی عہد شہزادہ محمد بن سلمان جی ٹوئنٹی سمٹ کے موقع پر ترک صدر رجب طیب ایردوآن کے ساتھ ملاقات کرنا چاہتے ہیں۔ ایک جرمن اخبارکے مطابق ترک وزیر خارجہ مولود چاؤش آولْونے کہاکہ سعودی ولی عہد نے ٹیلیفون کے ذریعے اپنی اس خواہش کا اظہار کیا۔

چاؤش آولْو کے مطابق بظاہر اس ملاقات میں کوئی ہرج نہیں ہے۔ ترک صدر اور سعودی ولی عہد ارجنٹائنی دارالحکومت بیونس آئرس میں منعقدہ جی ٹوئنٹی سمٹ میں بقیہ عالمی رہنماؤں کے ہمراہ شریک ہوں گے۔ سعودی صحافی جمال خاشقجی کے قتل کے بعد اس ملاقات کو خاص اہمیت دی گئی ہے۔

موضوعات:ترک صدر طیب اردوان ترک وزیر خارجہ جی ٹونٹی سمٹ سعودی ولی عہد شہزادہ محمد بن سلمان