صنعاء(انٹرنیشنل ڈیسک)یمنی وزیر اعظم احمد بن دغر نے کہا ہے کہ حوثیوں نے یمنی عوام کا جینا دوبھر کر رکھا ہے،ملک میں لوٹ مار کا بازار گرم ہے، حوثیوں نے یمنی عوام کو ملک سے بیزار کر دیا ہے۔ غیر ملکی میڈیا کے مطابق یمنی وزیر اعظم احمد بن دغر نے حوثیوں پر الزام لگایا ہے کہ ان کی وجہ سے ملک میں لوٹ مار کا بازار گرم ہوا اور عوام خون کے آنسو رونے پر مجبور ہو گئے ہیں۔

بن دغر نے یہ بیان صنعا میں واقع اپنی رہائش گاہ پر حوثی باغیوں کی لوٹ مار کے بعد دیا اور کہا کہ ان باغیوں نے سرکاری ملازمین کی تنخواہیں تک لوٹ لیں اور یمنی عوام کو ملک سے بیزار کر دیا ہے۔انہوں نے مزید کہا کہ ملک میں چور بازاری اور بد عنوانی کا دورہ دورہ ہے اور حوثی اب بھی ملک کے بیشتر حصوں پر قابض ہیں جن کی سرکوبی تک یمنی فوج آپریشن جاری رکھے گی ۔

موضوعات:یمنی وزیر اعظم