واشنگٹن(انٹرنیشنل ڈیسک)امریکی صدر ڈونلڈ ٹرمپ نے کہا ہے کہ شمالی کوریا کے ساتھ مذاکرات مثبت انداز میں جاری ہیں۔ غیرملکی خبررساں ادارے کے مطابق امریکی صدر کی ایک ٹوئیٹ کے مطابق پورے ایشیا میں سنسنی پھیلی ہوئی ہے تاہم صرف جعلی خبریں پھیلانے والے شکایات کر رہے ہیں۔ ان کے بقول گزشتہ

آٹھ ماہ سے شمالی کوریا نے کوئی میزائل یا جوہری تجربہ نہیں کیا۔ ٹرمپ کی یہ ٹوئیٹ ایک ایسے وقت پر سامنے آئی ہے، جب امریکی وزیر خارجہ مائیک پومپیو پانچ جولائی کو شمالی کوریا جا رہے ہیں۔ ان کے اس دورے کا مقصد جزیرہ نما کوریا کو ہتھیاروں سے پاک کرنے کے لیے جاری کوششوں کا جائزہ لینا ہے۔

موضوعات:ٹرمپ