ممبئی (مانیٹرنگ ڈیسک) بالی ووڈ سلطان سلمان خان جن کی حال ہی میں ریلیز ہونے والی فلم ’ٹائیگر زندہ ہے‘ نے 300 کروڑ روپے سے زائد کمائی کی انہوں نے 52 سال تک کنوارے رہنے کی دلچسپ وجہ بتادی۔سلمان خان کا شمار جہاں بولی وڈ کے کامیاب اداکاروں میں ہوتا ہے، وہیں ان کا شمار انڈسٹری کے کنوارے ترین اداکاروں میں بھی ہوتا ہے۔اگرچہ گزشتہ ایک سال سے ان کی شادی کی چہ مگوئیوں میں اضافہ ہوا ہے،

تاہم حال ہی میں بھارتی گلوکار اینکت تیواری اور موہت مرواہ سمیت ٹی وی اداکار شعیب ابراہیم اور گوتم روڈ کی شادیاں ہونے سے ان کی شادی کی خبریں ایک بار پھر گردش کرنے لگی ہیں۔بھارتی فلم و ٹی وی انڈسٹری میں شادیوں کے اوپر شادیاں ہونے کے باعث سلمان خان کی شادی نہ ہونے کے حوالے سے سوشل میڈیا میں بحث ہونے کے بعد اب ان سے بھی شادی نہ کرنے کے سوالات پوچھے جانے لگے ہیں۔تاحال شادی نہ کرنے کے سوال کے جواب میں سلمان خان نے دلچسپ جواب دیتے ہوئے وضاحت کی کہ انہوں نے 52 سال گزر جانے کے باوجود شادی کیوں نہیں کی۔این ڈی ٹی وی کے مطابق ممبئی میں ایک تقریب کے دوران سلمان خان نے تاحال اپنی شادی نہ ہونے کا سبب مہنگائی کو قرار دیا۔سلمان خان کا کہنا تھا کہ آج کل مہنگائی بہت ہوگئی ہے، اور شادی میں کروڑوں روپے خرچ ہوتے ہیں، جس وجہ سے انہوں نے تاحال شادی نہیں کی۔انہوں نے مثال دی کہ ان کے والد نے صرف 180 بھارتی روپے میں شادی کی، مگر اب شادیاں لاکھوں نہیں بلکہ کروڑوں روپے میں بھی نہیں ہوپاتیں۔کروڑوں روپے کمانے والے اداکار کا کہنا تھا کہ وہ مہنگائی بڑھ جانے کے باعث شادی کا خرچہ برداشت نہیں کرسکتے، اس لیے وہ تاحال کنوارے ہیں۔دریں اثناء بالی ووڈ کے سلطان سلمان خان نے اپنی نئی فلم ’لو راتری‘ کی ریلیز کا اعلان کردیا۔بالی ووڈ کے سلطان سلمان خان کا شمار انڈسٹری کے اْن اداکاروں میں ہوتا ہے جو نہ صرف اپنی اداکاری کی وجہ سے پہچانے جاتے ہیں

بلکہ انڈسٹری میں نئے چہرے متعارف کرانے میں بھی سلمان خان کا نام سرفہرست ہے جس کی سب سے بڑی مثال کترینہ کیف، سوناکشی سنہا اور زرین خان ہیں اور اب انہوں نے اپنے بہنوئی ایوش شرما اور نئی اداکارہ ورینہ حسین کو متعارف کرانے کے لیے فلم کی ریلیز کا اعلان کردیا ہے۔بھارتی میڈیا رپورٹس کے مطابق بالی ووڈ کے ایکشن ہیرو سلمان خان نے اپنے بہنوئی ایوش شرما اور ورینہ حسین کو متعارف کرانے کے لیے اپنی نئی فلم ’لو راتری‘ کو 5 اکتوبر کو ریلیز کرنے کا اعلان سماجی رابطے کی ویب سائٹ پر کچھ دلچسپ انداز میں کیا۔سلمان خان نے اپنے ٹوئٹ میں کہا ہے کہ فلم ’لو راتری‘ آج سے 224 دن بعد ریلیزکی جائے گی بتاو? کیا تاریخ ہے ریلیز کی ؟واضح رہے کہ ابھیراج مناوالا کی ہدایت کاری میں بننے والی فلم ’لو راتری‘ کو سلمان خان نے 21 ستمبر کو ریلیز کرنے اعلان کیا تھا تاہم اب فلم 5 اکتوبر کو سنیما گھروں کی زینت بنے گی۔

موضوعات:سلمان خان