مجھے پاگل کہنے والے خود پاگل ہیں، ایسی خبریں میڈیا میں کیوں پھیلائی جا رہی ہیں، امریکی صدر نے ذہنی توازن خراب ہونے کی خبر دینے والے صحافی کو کھری کھری سنا دیں

  اتوار‬‮ 14 جنوری‬‮ 2018  |  15:55

واشنگٹن(این این آئی)امریکی صدر ڈونلڈ ٹرمپ نے موجودہ امریکی انتظامیہ کے بارے میں سنسنی خیر انکشافات کرنے والی کتاب فائر اینڈ فیوری کے مصنف پر اپنا بھرپور غصّہ اْتارا ہے،میڈیارپورٹس کے مطابق ٹرمپ نے اتوار کی شب کیے جانے والی ٹوئیٹ میں کتاب کے مصنفامریکی صحافی اور کالم نگار مائیکل وولف کو ذہنی طور پر ایسا دیوانہ قرار دیا جس نے دانستہ طور پر ایسی معلومات پھیلائیں جن کے درست نہ ہونے کا خود اْسے بھی علم تھا۔ٹرمپ کا کہنا تھا کہمیڈیا کی جانب سے کئی جھوٹی خبریں نشر کی جاتی ہیں جن کے صحیح ہونے کے بارے میں جاننے

کی کوشش بھی نہیں کی جاتی۔ یہاں تک کہ ان خبروں کے جھوٹے ہونے کی تصدیق کے بعد بھی ان کے حوالے سے تصحیح نہیں کی جاتی۔ اب یہ لوگ ایک جعلی کتاب کی مشہوری کر رہے ہیں جو ایک ایسے آدمی نے تحریر کی ہے جس کا دماغی توازن درست نہیں۔ وہ جان بوجھ کر جھوٹی معلومات تحریر کرتا ہے۔ ایسا لگتا ہے کہ بعض ذرائع ابلاغ دیوانگی کا شکار ہو چکے ہیں کیوں کہ ہم نے انتخابات میں میدان مار لیا۔کتاب میں ٹرمپ کے معاونین کے بیانات اور مواقف شامل کرنے کا دعوی کیا گیا ہے جنہوں نے صدارت کے منصب کے لیے ٹرمپ کی اہلیت کے حوالے سے شکوک و شبہات کا اظہار کیا۔ ان معاونین میں ٹرمپ کے سابق حلیف اور سینئر مشیر اسٹیف بینن بھی شامل ہیں۔ کتاب میں ٹرمپ کو بزدل اور وہائٹ ہاؤس کے امور سے نابلد قرار دیا گیا ہے۔

موضوعات:

آج کی سب سے زیادہ پڑھی جانے والی خبریں