پاکستان دشمنوں کو منہ کی کھانا پڑ گئی، بلوچستان کی آزادی کیلئے بھارت کی گھناؤنی مہم کے جواب میں سوئٹزر لینڈ نے زبردست اعلان کر دیا 

  پیر‬‮ 25 ستمبر‬‮ 2017  |  22:45

اسلام آباد (مانیٹرنگ ڈیسک) سوئٹزر لینڈ کی وزارت خارجہ کا کہنا ہے کہ پاکستان مخالف اشتہاری مہم میں ملوث افراد کے خلاف بھرپور کارروائی کریں گے، تفصیلات کے مطابق سوئٹزر لینڈ کی وزارت خارجہ نے کہا ہے کہ ہم جنیوا میں پاکستان مخالف اشتہاری مہم میں ملوث افراد کے خلاف کارروائی کریں گے اور اس سلسلے میں پاکستان کی حکومت سے مکمل رابطے میں ہیں۔ بلوچستان کے وزیر داخلہ سرفراز بگٹی نے سماجی رابطے کی ویب سائٹ ’’ٹوئٹر‘‘ پر سوئٹزر لینڈ کی وزارت خارجہ کو مخاطب کرتے ہوئے اپنا احتجاج ریکارڈ کرایا،سرفراز بگٹی نے پاکستان کی حمایت میں کیے جانے

والے بلوچستان میں ایک احتجاجی مظاہرے کی وڈیو اپ لوڈ کی اور اس کے ساتھ سوئٹزر لینڈ کی وزارت خارجہ کو کہا کہ یہ اصل بلوچی ہیں جو جنیوا میں پاکستان مخالف مہم کے خلاف احتجاج کر رہے ہیں، مہربانی کرکے بلوچ ریپبلکن پارٹی کے خلاف سنجیدہ کارروائی کی جائے۔ سرفراز بگٹی کے ٹوئٹ کے جواب میں سوئس وزارت خارجہ نے کہا کہ ہم اس کے خلاف اقدامات اٹھا رہے ہیں اور اس سلسلے میں جو بھی کارروائی ہو گی، اس کارروائی بارے میں آپ کو باخبر رکھا جائے گا۔

موضوعات:

آج کی سب سے زیادہ پڑھی جانے والی خبریں