اسلام آباد (مانیٹرنگ ڈیسک) خواتین کے ساتھ جنسی زیادتی کرنے والے گرمیت رام رحیم سنگھ کو 20 سال کی سزا سنائی جا چکی ہے، تفصیلات کے مطابق گرو گرمیت رام رحیم سنگھ جنہیں دو خواتین کے ساتھ جنسی زیادتی کے جر م میں 20 سال قید کی سزا سنائی گئی، 22 دن گزرنے کے بعد بھی ان کی منہ بولی بیٹی ہنی پریت کا ابھی تک کچھ پتہ نہیں چل سکا مگر اب اس کے بارے خبریں آ رہی ہیں کہ ہنی پریت ڈیرے میں سوسائیڈ سکواڈ نامی گروہ کی سربراہ تھیں اس گروہ میں مجموعی طور پر 20 ہزار افراد شامل ہیں اور وہ کچھ بھی

کرنے کو تیار ہیں۔ بھارتی میڈیا ذرائع کے مطابق اس گروہ کو خاص طور پر تربیت دی گئی تھی، واضح رہے کہ بہ ظاہر تو یہ سکواڈ امدادی اور رفاعی کام کے لیے بنایا گیا تھا مگر اس کا اصل کام کچھ اور تھا، اس سکواڈ میں شامل لوگ گرو گرمیت کے ایک اشارے پر کچھ بھی کر سکتے ہیں، لڑکیاں بھی اس سکواڈ کا حصہ ہیں اور ان لڑکیوں کو ہنی پریت کے اشارے پر جان تک دینے کی تربیت دی گئی تھی، یہاںیہ بات یاد رہے کہ اس بات کا ذکر بھارتی خفیہ ایجنسی نے اپنی اس رپورٹ میں کیا تھا جو گرو گرمیت کے گرفتاری سے قبل تیار کی گئی تھی۔

موضوعات:ہنی پریت