اسلام آباد (این این آئی) عالمی عدالت انصاف میں کلبھوشن یادیو کیس میں بھارتی حکومت کے جمع کردہ تحریری دلائل پاکستان کو موصول ہوگئے۔جمعہ کو دفتر خارجہ کے ترجمان کے مطابق آئی سی جے میں کلبھوشن یادیو کیس میں بھارتی حکومت کی جانب سے جمع کرائی گئی یادداشت (تحریری دلائل) پاکستان کو موصول ہوگئی۔

پاکستان بہت جلد اپنا جواب آئی سی جے میں جمع کرائیگا۔ترجمان نے کہا کہ بھارتی کمانڈر یادیو پاکستان میں جاسوسی،دہشت گردی اور تخریبی سرگرمیوں میں ملوث پایا گیاہے جس کے نتیجے میں کئی بے گناہ پاکستانیوں کی قیمتی جانیں ضائع ہوئیں۔اس سلسلے میں پاکستان بہت جلد اپنا جواب عالمی عدالت انصاف میں جمع کرائیگا۔

موضوعات:کلبھوشن یادیو